‘தண்ணி தண்ணி' என அரற்றிய எடிசனுக்கு "தண்ணியெல்லாந்தர முடியாது, என் ஒண்ணுக்க குடிடா" என தன் குறியை எடிசனின்(தலித்) வாயில் திணித்தார் காவலர் செல்வராஜ்!

//‘தண்ணி தண்ணி' என்று அரற்றிய எடிசனுக்கு தலை தொங்கியிருக்கிறது. தன் பேண்ட்டின் ஜிப்பைக் கழற்றி எடிசனின் அருகில் வந்து தொங்கியிருக்கிற அவருடைய தலையை கையால் நிமிர்த்தி தண்ணியெல்லாந் தர முடியாது, என் ஒண்ணுக்க குடிடா' என்று தன் பிறப்புறுப்பை எடிசனின் வாயில் திணித்திருக்கிறார் காவலர் செல்வராஜ்.//

தலித் முரசில் படித்த இந்த சமுதாய பிரச்சினை பற்றிய நிகழ்வுகளை வலைப்பூ பதிவர்களிடம் பகிர்ந்து கொள்ளவேண்டும் என்ற ஒரே நோக்கத்துடன் இங்கு இதை பதிக்கிறேன். அனைத்து தர மக்களை பாதுகாக்க வேண்டிய பாதுகாவலர்கள் இப்படி நலிந்தவர்களை தங்களது காட்டுமிராண்டி உணர்ச்சிகளுக்கு சோதனை தளமாக உபயோகிப்பதை எப்போது நிறுத்துவார்கள். மக்கள் வரிப்பணத்தில் கூலிக்கு அமர்த்தப்பட்ட இந்த வேலை ஆட்கள் சட்டத்தை மதிக்காமல் இப்படி அனாவசிய வன்முறை இச்சைகளை நலிந்தவர்களிடம் கட்டவிழ்த்துவிட்டு மகிழ்வடைதுதான் இவர்கள் படித்த படிப்பும் கற்ற பழக்கமுமா? மன நோய் பீடித்த சீக்காளிகள், ஆதிக்க வெறி பிடித்த கீழ்தர புத்தியுடைய சிலர் காவலாளி சீருடை அணிந்து நலிந்தவர்களை வேதனைக்கு உள்ளாக்கி நோகடிப்பதை தீர்க்கத்துடன் கண்டிப்போம்.

(முழு கட்டுரையை தலித் முரசு சென்று படிக்க வேண்டுகிறேன்.)