அக்குபங்க்சர் பற்றிய ஜெர்மனிய புதிய கணிப்பு.

மூட்டு வலிகளால் அவதிப்படும் சிலருக்கு அக்குபங்க்சர் மற்றும் அலோபதி முறையில் வைத்தியம் செய்து பார்த்ததில் சில ஆச்சரியப்படும் வகையிலான பல புதிய நல்ல முடிவுகள் தெரிய வந்துள்ளன.

ஆய்வுகளின் விபரம் :

முதலில் ஒரே மாதிரி மூட்டு வலி நோயால் அவதிப்படும் பல நோயாளிகள் 'அ', 'இ', 'உ' என மூன்று சம குழுக்களாக பிரிக்கப்பட்டனர்.

பிறகு குழு 'அ' விற்கு பாரம்பரிய சீன அக்குபங்க்சர் வைத்திய முறைப்படி வலி உள்ள மூட்டு பகுதிகளில் தோலின் ஊடே 5 மற்றும் 40 மி.மீ. ஆழத்திற்கு ஊசிகளை செலுத்தி வைத்தியம் செய்தனர்.

குழு 'இ' விற்கு கொஞ்சம் மாறுபட்ட விதமாக இலேசாக சுமார் 1 லிருந்து 3 மி.மீ ஆழம் மட்டுமே தோலின் ஊடே ஊசிகளை செலுத்தி வைத்தியம் பார்த்தனர்.

குழு 'உ' விற்கு அலோபதி முறையில் வெறுமெனே வலி நிவாரணி மருந்துகளை கொடுத்தும் கினே தெராப்பி பயிற்சிகளையும் கொடுத்து மருத்துவம் செய்தனர்.

மொத்தத்தில், ஆறு முறை இதுபோல் சோதனை முறைகளை செய்து முடிந்த பின், ஆறு மாதங்களுக்கு பிறகு செய்த வைத்தியத்தின் பலன்களை ஆராய்ந்து பார்த்ததில் :

'அ' குழு 47.6% - (பாரம்பரிய சீன அக்குபங்க்சர் முறை)

'இ' குழு 44.2% - (பாரம்பரியமற்ற மேல்கட்டு அக்குபங்க்சர் முறை)

'உ' குழு 27.4% - (அலோபதி வைத்திய முறை)

ஆகிய விகிதங்களில் பயணடைந்திருப்பதை கண்டு வியந்தனர்.


இந்த ஆய்வுகள் மூலம் அறியவரும் ஒரு முக்கிய உண்மை :

பாரம்பரிய முறைப்படியான 'அ' முறை அக்குபங்க்சராக இருந்தாலும் சரி அல்லது 'இ' குழுவிற்கு செய்ததை போன்ற "பொய்" முறை அக்குபங்க்சராக இருந்தாலும் சரி, இவ்விரண்டு வகைகளில் எதுவாக இருந்தாலும் வலி உள்ள மூட்டு பகுதிகளின் தோலின் ஊடே ஊசி செலுத்தும் இந்த சாதாரண ஒரு செயலே நம் நரம்பு மண்டலங்களில் பல தொடர் மாற்றங்களை உண்டாக்கி வலி நிவாரண உணர்ச்சிகளை தூண்டிவிடுகிறது என்கின்றனர்.

நன்றி
Le Monde பிரஞ்ச் தேசிய நாளிதழ்.

மருந்து என்றாலே ஒரு விசப்பொருள்தானே? மருந்துகளை எவ்வளவுக்கு எவ்வளவு தவிர்க்கிறோமோ, அவ்வளவும் நமக்கு நல்லதே. எனவே, இது போன்ற அக்குபங்க்சர் முறைகளையும் சரிவர கற்று சுகாதாரமான மருத்துவத்தை கையாள்வோமே!

செலவுகள் அற்ற இந்த வகை வைத்தியங்கள் ஏழைகளுக்கு சிறந்ததே!

நன்றி.

யானைக்கால் வியாதியை பற்றிய ஒரு புதிய செய்தி!

யானைக்கால் மற்றும் கை பெருத்தலுக்கு காரணமாக இருக்கும் "ப்ருகியா மலாயி" (Brugia malayi) எனப்படும் நூல்புழு மனித உடலில் எப்படி குடியேறுகிறது எந்தெந்த வகையில் உரு மாற்றம் பெருகிறது போன்ற அதன் பரிணாம வளர்ச்சியை கண்டறிந்து முடிந்தாக ஒரு பன்னாட்டு ஆராய்ச்சியாளர் குழு தெரிவிக்கிறது. உலகத்தில் இன்று ஏறக்குறைய 14.00.00.000 மனிதர்கள் இந்த நோயினால் பீடிக்கப்பட்டிருக்கின்றனர் மற்றும் இதில் 4.00.00.000 மனிதர்கள் இதன் காரணமாக உடல் ஊணமுற்று இருக்கின்றனர் என உலக நல அமைப்பு தெரிவிக்கிறது.

அயெதெஸ், க்யுலெக்ஸ், அநொபிலெஸ்... (Aedes, Culex, Anopheles..) போன்ற வகை கொசு கடிகளால் இந்த நுன் நூல்புழு நம் உடலுக்குள் வந்தடைகிறது. ஆரம்ப நிலையில் சிறு புழுவாக இருக்கும் இது மனித உடலில் புகுந்த பின் நூல் போன்ற வாலிப நிலையை அடைந்து, பிறகு மனிதனின் பலவித நோய் எதிர்ப்புச் சக்தியின் செயலியாக உள்ள திரவக (lymphe)ஓட்ட வலையான நுன்னிய நாளங்கள் மற்றும் சுரப்பிகளால் ஆன அமைப்பில் தங்கிவிடுகின்றன. இப்படி நாளங்களில் தங்கிவிடுவதால் இவைகளில் திரவகங்கள் சுதந்திரமாக ஓடமுடியாமல் அடைபட்டு இதனால் தசைகள் வீங்கி பெருத்துவிடுகின்றன. கால்கள், கைகள் மேலும் விரைகள், ஆண்குறி, பெண்களின் மார்பகங்கள் மற்றும் யோனியும் இதனால் வீங்கி பெருத்துவிடுவது உண்டு.

ப்ருகியா மலாயி (Brugia malayi) மற்றும் இதோபோல் இன்னொரு வகை நூல்புழுவான வுச்சிரிரியா பேங்க்ரோப்டி (Wüchereria bancrofti) போலவே நூதனமான முறையில் இரண்டு படிகளில் இனப்பெறுக்கம் செய்கின்றன. வாலிப நிலை அடைந்த ஆண் மற்றும் பெண் புழுக்கள் ஆண் மனிதர்களின் உடலில் இனப்பெறுக்கம் செய்யும்போது, அதி நுன்னிய குட்டை மற்றும் நூல் வடிவ புழுக்களை இரத்தத்தில் உலாவ விடுகின்றன. கொசுக்கள் நம்மை கடிக்கும்போது இவைகள் உறிஞ்சப்பட்டு அதன் உடலில் குடியேறுகின்றன. இந்த குழந்தை பருவ புழுக்கள் வாலிப பருவத்தை அடையும் முன் இடையில் கொசுக்களின் உடல் வழியாக வாழ வேண்டிய இயற்கையின் கட்டாயத்திற்கு உட்பட்டிருக்கிறது. கொசுக்களின் உடலில் தங்கி வளர்ச்சி அடைந்த புழுக்கள் பிறகு மாற்று மனிதர்களை கடிக்கும்போது மேலும் பல மனிதர்களுக்கு இந்நோயினை பரப்புகிறது.

இந்த ஆய்வுகளின் பயனாக ஆய்வாளர்கள் புதிய வகை திறமையான நோய் தீர்ப்பு முறைகளை கண்டுபிடித்து புதிய சிறப்பான மருந்துகளையும் உருவாக்க முடியும் என விருப்பம் தெரிவித்துள்ளனர். முக்கியமாக, இந்த நூல்புழு எப்படி மனிதனின் இயற்கையான நோய் தடுப்பு சக்திகளை ஏமாற்றி அவன் உடலுக்குள் குடியேறுகிறது என்பதை கண்டறிய ஆவல் தெரிவித்து உள்ளனர். ஒரு பெண் புழு, எட்டாண்டுகள் வரை மனித உடலில் வாழ்ந்து நாளொன்றுக்கு ஒரு ஆயிரக்கணக்கில் குட்டி புழுக்கள் ஈன்றெடுக்கும் தகுதி படைத்திருக்கிறது எனவும் ஆய்வுகள் கூறுகின்றன.

இன்றைய நோய் தீர்ப்பு முறைகளானது, நுன் நூல் புழுக்களை மட்டும்தான் அழிப்பதாக உள்ளதாகவும், வாலிப நிலை அடைந்த தாய் தந்தை புழுக்களை அழிக்க முடிவதில்லை எனவும் ஆய்வாளர்கள் கூறுகின்றனர். இதனால், இதற்கான மருந்துகளை பல ஆண்டுகளாகவும் அல்லது வாழ்நாள் முழுவதும் உட்கொள்ள வேண்டிய கட்டாயத்தில் நோயாளிகள் இருக்கின்றனர். இந்தியாவும் ஆப்ரிக்காவும்தான் உலகத்திலேயே அதிகமாக இந்த நோயால் பீடிக்கப்பட்ட மனிதர்களை கொண்டிருக்கிறது. இது போதாதற்கு, இன்றைய காலத்து பெறுகிவரும் புது வகை நகர சுகாதாரமற்ற நெருக்கமான வாழ்வு முறை இந்நோய் இலகுவாக பரவுவதற்குத்தான் வழி வகுத்துக்கொண்டு வருகிறது என்று உலக நல அமைப்பு எச்சரிக்கின்றது.

Cécile Dumas
Sciences et Avenir.com(21/09/07)

தமிழர்களுக்காக ஒரு புதிய (சோதனை) திட்டம்.

குறிக்கோள் : அனைத்து மருந்து பெட்டிகளில் உள்ள ஆங்கில விளக்க சீட்டுகளை முழுதும் தமிழில் மொழி பெயர்த்து தருவது.

இலக்கம் : ஆங்கிலம் ஓரளவே அல்லது சுத்தமாக படிக்க தெரியாத தமிழ் மக்கள் மருந்துகளின் நன்மை தீமைகளை புரிந்து கொள்ள வசதி செய்யும் பொறுட்டு இந்த ஏற்பாடுகளை நாம் செய்ய வேண்டியது அவசியமாகிறது. இதற்கென்று கட்டாயம் ஒரு இணைய தளம் திறக்கவேண்டிய அவசியம் உள்ளது.

தளத்தில், மொழி பெயர்ப்புகள் செய்து முடித்த உடன், மருந்தகங்கள் இதனை பதிவு எடுத்து மக்களுக்கு கொடுக்க வேண்டியதுதான் மிச்சம். அல்லது மருத்துவர்களே இதை செய்யலாம்.

தளத்தை நிர்வகிப்பதற்கு ஆகும் பொருளாதார தேவைகளுக்கு விளம்பரம், பொது உதவி, உற்பத்தியாளர்கள் உதவி, வியாபார அங்கங்கள், அரசு உதவிகள், அன்பளிப்பு ஆகியவைகளை நாடலாம்.

மொழி பெயர்க்கும் பொறுப்பை தமிழ்மண வலைப்பதிவர் அனைவரும் ஏற்று செய்யவேண்டும்.

ஒரு மருத்துவர், ஒரு தமிழ் வல்லுனர், ஒரு (நட்சத்திர) விருந்தாளி பதிவர் ஆகிய மூவர் கொண்ட உயர்மட்ட குழு அமைக்கப்பட வேண்டும். மொழி பெயர்ப்பு வலையில் ஏற்றும் முன் இக்குழு அனைத்தையும் ஆராய்ந்து தன் கடைசி ஒப்புதலை அளிக்க வேண்டும்.

ஆங்கிலத்தில் உள்ள முதன்மை விளக்க சீட்டின் நிழற்படம் இருத்தல் அவசியம்.

எதிர்பாரா விபத்துகளை தவிர்க்க, மொழி பெயர்ப்பு கூடவே மருந்து பெட்டியின் வண்ண நிறத்து நிழற்படம் இருக்க வேண்டும்.

எளிய முறையில் செய்திகளை தேடுவதற்கு கணினி வல்லுனர்களின் சீரிய ஒத்துழைப்பு தேவைப்படுகிறது.

மொழி பெயர்ப்பு இரண்டு நிலைகளில் இருத்தல் அவசியம்.

முதல் நிலை : தமிழ் நன்றாக படிக்க தெரிந்தவர்கள், இரண்டாம் நிலை : கொஞ்சமே படிக்க தெரிந்தவர்கள் என்பனவைகளை கருத்தில் கொண்டதாக இருத்தல் வேண்டும்.

இதை இன்னும் சிறப்பிப்பதற்கு சில வகை படங்களை உபயோகிக்கலாம்.

இதற்கு முதற்கட்டமாக உடனடியாக முடிந்தவரை இன்றிலிருந்தே மொழி பெயர்ப்பு செய்ய ஆரம்பிக்க வேண்டும்.

இத்திட்டம் நல்லபடியாக செயல்பட துவங்கியதும், ஏனைய இந்திய அனைத்து மொழிகளுக்கும் விரிவுபடுத்த வேண்டும்.

இத்திட்டம் சீரிய முறையில் செயலபட அனைத்துவித அலோசனைகளும், கருத்துகளும் வரவேற்கப் படுகின்றன.

இதை தமிழ்மணம் தனது தளத்தில் இடம் ஒதுக்கி ஏற்பாடுகள் செய்து திட்டம் நடைபெற ஆவன செய்யுமென்று நம்புகிறேன்.

இத்திட்டத்தினால் என்னென்ன பயண்கள் கிடைக்கும்?

1. கண்மூடித்தனமாக மருந்துகளை வாங்கிச் செல்லாமல், விளக்க செய்திகளை படித்து மக்களின் அறிவு வளரும்.

2. கட்டாயமாக படிக்க வேண்டிய அவசியத்தால், தமிழும் வளரும்.

3. மருந்தகங்கள், மருத்துவர்கள் ஆங்கிலம் அறியா மக்களை ஏமாற்ற முடியாது.

4. வீட்டில் ஏற்கனவே வாங்கி வைத்திருக்கும் ஒருசில பழைய மருந்துகளை மக்கள் தன்னிச்சையாக உபயோகிக்க முடியும்.

5. மருத்துவர்கள், மருந்தகங்கள் விளக்கி சொல்லாத சில முக்கிய ஆபத்தான விடயங்களை மக்கள் தாங்களாகவே அறிந்து கொள்ள முடியும்.

இங்கு விளக்காத இன்னும் இதர பல பயண்களும் உள்ளன.

இவண்

மாசிலா.

படஉதவி : தமிழ்நாடு எச்.ஐ,வி குழந்தைகள் பராமரிப்பு அமைப்பு. விலாசம் மறந்து விட்டது.

மூளைக்கு ஊட்ட சக்தி கொடுக்கும் கறித்தூள்!

கறித்தூள் (curry) என மேலை நாடுகளில் பரவலாக அழைக்கப்படும் தென் இந்தியர்கள் சமையல்களில் பொதுவாக உபயோகிக்கும் குழம்பு மஞ்சள் (curcuma) மூளைக்கு ஊட்ட சக்தி, வலி நிவாரிணி, உடம்பில் கொழுப்பு அண்டாமை போன்ற அரிய குணங்களை உடைய பெற்றதாம். இம்மளிகையை உபயோகப்படுத்தும் 60 - 93 வயது உடைய 1000 முதியோர்களிடம் நடத்திய பரிசோதனைகளின்படி, இவர்களின் மூளை ஞாபக சக்தி, வார்த்தை-மொழி பிரச்சினை (cognitif functions) ஆகியவைகளில் நல்ல முன்னேற்றம் தெரிந்ததாம்.

-American Journal of Epidemiology, novembre 2006.

நன்றி : சியான்ஸ் எ அனெனீர்

எச்.ஐ.வி தடுப்பு மருந்து உண்டாக்கிய சேதம்!

***

பெண்களை எச்.ஐ.வி'இல் இருந்து பாதுகாக்க உருவாக்கிய தடுப்பு களிம்பு மருந்து ஆப்ரிக்காவிலும் இந்தியாவிலும் எதிர்பார்த்ததற்கு மாறாக மிக மோசமான முடிவுகளை தந்திருக்கிறது. வரும் 2009'இல் முடியவேண்டிய இந்த சுகாதார சோதனை இப்போது நிறுத்தப்பட்டுவிட்டது.

***

.

பெரிய அளவில் இந்தியாவிலும் ஆப்ரிக்காவிலும் மருத்துவ எய்ட்ஸ் மருந்து பரிசோதனை முகாம் நடத்தி வந்த ஒரு அமைப்பு தன் சோதனை முயற்சி அனைத்தையும் நிறுத்திக்கொண்டது. உகாண்டா, பினின், தென் ஆப்ரிக்கா ஆகிய நாடுகளில் 13000 பெண்களிடம் இக்களிம்பு மருந்து பாவித்து நடத்திய பரிசோதனைக்கு பிறகு நடத்திய கணக்கெடுப்பில், இவர்களுக்கு எச்.ஐ.வி கிருமியானது 'ப்லேசெபோ'(*) முறை மருத்துவத்தை பாவிக்கும் பெண்களை விட அதிக அளவில் தாக்குகிறது என்பது விளங்கியது.

.

அஷர்செல் (Ushercell) எனும் இம்மருந்தை உருவாக்கிய கனடாவின் பாலிடெக்ஸ் (Polidex) நிறுவனத்திற்கும் மற்றும் எய்ட்ஸ் ஒழிப்பு பன்னாட்டு சுகாதார அமைப்புகளுக்கும் இச்சோக முடிவு மிகுந்த ஏமாற்றத்தை கொடுத்திருக்கிறது.

.

அஷர்செல் எனும் மருந்து கிருமி அழிக்கும் களிம்பு வகையை சேர்ந்தது. இதை, அந்தரங்க பகுதிகளில் தடவிக்கொண்டால், எச்.ஐ.வி கிருமியானது பெண்களை தாக்குவது தடுத்து நிறுத்தப்படும் என கருதப்பட்டது. இந்நோய் அதிகம் பரவும், ஆணுறைகளை குறைவாகவே உபயோகப்படுத்தும், ஆண்-பெண் புணர்ச்சி மூலமே நோய் பரவும் நாடுகளில் இவ்வகை மருந்து ஒரு சிக்கனமான நல்ல மாற்றுவழி மருந்தாக இருக்கும் என அதி நம்பிக்கைக்கு பாத்திரமாக இருந்தது.

.

நைஜிரியாவில் 17000 பெண்களுக்கு இம்மருந்து பாவித்து செய்து பார்த்த பரிசோதனையில் ஒரு இடைப்பட்ட பலனே கிடைத்தது. பிறகு இச்சோதனை அங்கு நிறுத்தப்பட்டது. சில வருடங்களுக்கு முன், நொநொக்சைனொல் ( nonoxynol-9) எனும் விந்து அழிப்பு களிம்பு ஒன்றையும் சோதனை செய்யப்பட்டு, பலன் தராமல் சோதனை நிறுத்த பட்டது. அடிக்கடி பூசிவரப்பட்ட இந்த களிம்பினால் யோனியின் உள் பக்கத்தில் ஏற்பட்ட அரிப்பு மற்றும் எரிச்சல் காரணமாக நோய்க்கிருமி சுலமாக தாக்க வழி செய்தது. அஷர்செல் களிம்பு சோதனை தோல்வி அடைந்ததற்கு இன்னும் சரியான காரணம் தெரியவில்லை.

.

ஐ. நா, உலக சுகாதார அமைப்பு மற்றும் உலக எய்ட்ஸ் ஒழிப்பு அமைப்பு ஆகியவை அஷர்செல் களிம்பு மீது மிகுந்த நம்பிக்கையுடன் இருந்தன. இன்னும் மிகப்பெரிய அளவில் இதுபோன்ற களிம்புகள், முக்கியமாக ஆப்ரிக்காவில், மிருகங்கள் மீது வெற்றிகர சோதனைக்குப்பின், தொடர்ந்து சோதிக்க பட்டு வருகிறதாம்.

*

*

ஆதாரம் : சியான்ஸ் எ அவெனீர்

பிரஞ்ச் மாத இதழ்

மொழி பெயர்ப்பு : மாசிலா.

.

(*) ப்லேசெபோ (placebo) : ஆபத்து விளைவிக்க கூடிய பரிசோதனைகளின் போது, பின் விளைவுகள் ஏற்படுத்தாமல் இருக்க 'அசல்' மருந்துக்கு பதில் சில மாற்றங்களுடன் 'நகல்' கொடுக்கும் முறையே இது.

.

பிரசவ நேரத்திற்கு தயாராகும் சிசு!

சிசுவானது தாயின் வயிற்றை விட்டு 'விடுதலை' பெறும் நேரமானது, சிசுவுக்கு மிகவுக்கு ஆபத்தானது. அந்த நேரத்தில் சிசுவின் மூளைக்கு போதிய அளவு ஆக்சிஜன் செல்லாமல் நரம்புமண்டலம் சார்ந்த சேதத்தை ஏற்படுத்த கூடும். ஆனால், பிரான்ஸ்'இன், மர்சேய் (Marseille) ஊரை சேர்ந்த ஆராய்ச்சியாளர் டாக்டர் யெஹெஜ்கெல் பென்-அரி (Yehezkel Ben-Ari) கூற்றின்படி, சிசுவானது பிறக்கப்போகும் நேரத்தை அறிந்து தாமாகவே ஆக்சிஜன் நுகர்வை அடக்கி குறைத்து சுமுகமான விடுதலைக்கு தன்னை பாதுகாத்து தயார் செய்துகொள்கிறது என்கிறார்.

இதை நிரூபணம் செய்ய, ஆராய்ச்சியாளர்கள் பெண் எலிகளின், கருதரித்த 18 நாளிலிருந்து பிறந்து 5 நாள்வரை இடையில் உள்ள சிசுக்களின் மூளைகளை எடுத்தாராய்ந்தனர். மூளைகளின் வேலைத்திறனை, கெபெ (GABA) எனறழைக்கப்படும், நீரோன் க்ளோரினேட் (neuron chlorinate)'இன் விகிதம் அளவெடுக்கப்பட்டு தீர்மானம் செய்தனர். இந்த 'கெபே'தான் சிசுக்களுக்கு உந்துசக்தி (excitation) கொடுக்கிறது. சிசு பிறந்தவுடன், இந்த க்ளோரினேட் விகிதம் வியக்கத்தக்கும் வகையில் ஏழாயிரம் முறை குறைவாக இறங்கி இருக்கிறது. இதனால் முளையின் நடவடிக்கைகள் குறைந்து, ஆக்சிஜன் தேவையை குறைத்து மூளைக்கு பாதுகாப்பு தருகிகிறது. பிரசவ கால ஆரம்பத்தில் சிசு பிறப்பதற்கு முன் ஏற்படும் கற்பப்பை இறுக்கம்தான் சிசுவுக்கு 'ஒசிட்டாசின் ஹார்மன்' (ocytocyn hormon) எனும் தூதுவன் வழியாக, உடனடி விடுதலை நேரத்தை அறிவிக்கிறதாம்.

ஆராய்ச்சியாளர் மேலும் கூறுவது : "குறிப்பிட்ட காலத்திற்கு முன்பே நிகழும் சில பிரசவங்களின்போது ஏற்படும் கற்பப்பை இறுக்க வலிக்கு தரும் வலி நிவாரிணி மருந்துகளை உடனடியாக மறுபரிசீலனை செய்யவேண்டும். செயற்கை முறையில் இந்த இறுக்கத்தை நாம் தடுப்பதினால், சிசுவானது இயற்கையான தன் பாதுகாப்பு நடவடிக்கை நிறுத்துங்கால், சிசுவுக்குதான் ஆபத்து." என்றார்.

*

*

நன்றி : 'சியான்ஸ் எ அவெனிர்'

பிரஞ்சு மாத இதழ் : Sciences et avenir.

மொழிபெயர்ப்பு : மாசிலா.

விடலை பருவமும் - வீடியோ விளையாட்டும்.

இப்போதெல்லாம் சிறுவர்களும் விடலை பருவத்தினரும் மிக அதிகமான நேரத்தை கணிணி திரைக்கு முன் அல்லது வீடியோ விளையாட்டு பெட்டிகள் முன் கழிக்கிறார்கள். பின்லேண்டில் எடுத்த ஒரு கணக்கின்படி, மூட்டுவலி, சதை பிடிப்புக்காக ஏகப்பட்ட சிறுவர்களும், விடலை பருவத்தினரும் (14-18 வயது) மருத்துவர்களை அனுகியதாக தெரிய வருகிறது. இவர்களில் கால்பங்கு தோல்பட்டை, கழுத்து வலிக்காகவும், 12% இடுப்பு வலிக்காகவும் அவதிப்பட்டதாக கணக்கெடுப்பு கூறுகிறது. ஒரு நாளைக்கு மூன்று மணி நேரத்திற்கு மேல் விளையாடினால் இதுபோன்ற உபாதைகள் எற்படும் என பெற்றோர்களுக்கு எச்சரிக்கப்பட்டு இருக்கிறது.

.
பிள்ளைகள் இதுபோனற விளையாட்டுகளை விளையாடுகிற போது அவர்களை தனியாக ஏதாவது ஒரு அரையில் விட்டுவிட கூடாது. புழக்கமுள்ள, வெளிச்சம் மற்றும் காற்றோட்டம் உள்ள இடத்தில் வைத்தே அவர்களை கவனிக்க வேண்டும். ஒரு மணி நேரத்திற்கு ஒரு முறை 10 அல்லது 15 நிமிடம் ஓய்வெடுக்க வைக்க வேண்டும். விளையாடும்போது அவர்களிடம் அடிக்கடி பேச்சு கொடுத்து கொண்டே இருக்கவும் வேண்டும். சில விளையாட்டுகளில், அதிவேகமாக மாறி மாறிவரும் பலிச் பலிச்சென்ற காட்சிகளை தொடர்ந்து உன்னிப்பாக, மனதை நீண்ட நேரம் ஒருநிலை படுத்தி, விறுவிறுப்புடன் உடல் விரைப்புடன், ஒருவித கோர வெறிகொண்டு விளையாடுவதால், சில குழந்தைகளுக்கு 'எப்பிலெப்சி' எனப்படும் மூளை-நரம்பு சார்ந்த வலிப்பு ஏற்பகிறது. இது மிகவும் ஆபத்தானது.

.

கவனிக்க படாமல விட்ட சில குழந்தைகள் உண்மை உலகத்திற்கும், விளையாட்டில் உள்ள கற்பனை உலகத்திற்கும் வித்தியாசம் செய்ய தெரியாமல் அனைத்தையும் போட்டு மனதை குழப்பிக்கொண்டு கிடப்பர். ஒருசில குழந்தைகள் திடீர் திடீரென்று எதிர்பாரா நேரத்தில், நிஜ உலகத்தை விட்டு, கனவு உலகத்துக்கு போய் வருவர். உதாரணத்திற்கு : கவனிப்பற்ற ஒரு சிறுவன் கார் பந்தயம் விளையாட்டை மிகவும் விரும்பி அளவுக்கு அதிகமாக அனுபவிப்பவன். இவன் நிஜ உலகத்தில் வீதியை தாண்டும்போது ஒரு காரோ பஸ்ஸோ வேகமாக இவனை நோக்கி வருவதை பார்க்கும்போது, அந்த "ஒரு கணத்தில்" தான் விளையாடின காட்சிகளில் இருப்பது போல் கனவு கண்டு உணர்ச்சி அற்றவனாக தன்னை பாதுகாத்துக்கொள்ள ஏதும் செய்யாமல் நட்ட வீதியில் அப்படியே நிற்பான். அந்த கணத்தில் அவன் காதுக்கு யார் என்ன சொன்னாலும் உறைக்காது. வேறுசில விளையாடுகள் கொலைவெறி மற்றும் சண்டைவெறி போன்ற உணர்ச்சிகளை தூண்டுவதாக இருக்கின்றன.
.

இன்னுமொறு பிரச்சினை சமுதாயத்தை பற்றியது. தனிமையில் கனவுலகில் அளவுக்கு அதிகமாக விளையாடும் இளைஞர்கள் காலப்போக்கில் தான் சார்ந்த சமுதாயத்தை விட்டு மனதளவில் விளகி மிக நீண்டதூரம் சென்றிருந்து இருப்பர். இதனால் தங்களுக்கே உரிய சில சமுதாய அடையாளங்களை இழந்து பரிதவிப்பர். இதனால் மன அழுத்தம் ஏற்பட நிறைய வாய்ப்பு உண்டு.

.

அளவுடன் விளையாடினால் சில தரமுள்ள விளையாட்டுகளினால் நன்மைகளும் உண்டு. மூளை வளர்ச்சி மற்றும் ஓட்டமும் பெறும். பெற்றோர்கள் கவனம் செலுத்தி நல்ல விளையாட்டுகளை குழந்தைகளுக்கு அளிக்க வேண்டும். வயதிற்கு தகுந்தாற்போல் உள்ள விளையாட்டுகளாக இருக்க வேண்டும்.

.
மாறிவரும் இந்த அவசர உலகில், தாயும், தந்தையும் வேலையென்று வீட்டில் இல்லாத நேரத்தில், யாருடைய நேரடி கவனிப்பிலும் இல்லாத பிள்ளைகள் அவர்கள் இட்டத்திற்கு மனம் போனபோக்கில் கண்ட விளையாட்டுகளை கட்டுப்பாடில்லாமல் விளையாட நிறையவே வாய்ப்பு உண்டு. இந்த பருவத்தில் அவர்களை கவனத்துடன் பாதுகாத்து வளர்க்கவேண்டும்.

இரத்த புற்றுநோய் பீடித்த குழந்தையை குணப்படுத்தியது எப்படி? (புதுமை!)

ஜனவரி மாதத்து 'பெடியாற்றிக்ஸ்' மருத்துவ இதழ், அமெரிக்காவின் மருத்துவ ஆராய்ச்சியாளர்கள் உலகில் முதன்முறையாக, இரத்த புற்றுநோய் பீடித்திருந்த ஒரு குழந்தையை, அதனுடைய சொந்த தொப்புள்கொடியில் உள்ள இரத்த திசுக்களை மறுபடியும் உடசெலுத்தி நோயை முழுமையுடன் குணப்படுத்தி வெற்றி பெற்றிருக்கிறார்கள் என அறிவிக்கிறது.

'டேவிட் மார்கான்' மற்றும் 'ஷெரேட் என். சேல்வி' ஆகியவர்களை தலைமையாக கொண்ட இந்த ஆராய்ச்சி குழுவினர், 'lymphoblastic' எனப்படும் நோய் நிலையை அடைந்திருந்த அந்த மூன்று வயது உடைய குழந்தை எப்படி குணப்படுத்தினோம் என விளக்குகின்றனர்.

முதல் பத்து மாதம் இரசாயன (சிறப்பு புற்றுநோய்) மருத்துவத்திற்கு ('chemotherapy') பிறகும், குழந்தையின் நோய் முற்றி சிக்கலான நிலையில் இருந்தது. இரண்டாவது முறையாக இரசாயன மற்றும் கதிர்வீச்சு மருத்துவ முறைக்கு பிறகு நிலமை கொஞ்சம் சீரானது. அந்த சமயத்தில், பெற்றோர்களின் வேண்டுதல்களுக்கு இணங்க, குழுவினர் மருத்துவத்தை முழுமையாக செயல்படுத்த முடிவுசெய்து, குழந்தைக்கு இரத்த நாளங்கள் மூலம், பிறந்தவேளையில் தொப்புல்கொடி வழியாக எடுத்து சேமிக்கப்பட்டு அதிகுளிர் பாதுகாப்பில் இருந்த மாசற்ற ஆதி இரத்த திசுக்களை உட்செலுத்தினர்.

புதிதாக செலுத்தப்பட்ட இந்த இரத்த திசுக்கள் சிறிது சிறிதாக அனைத்து இரத்த சுரப்பிகளை ஆக்கிரமித்து, நல்ல திசுக்களை உருவாக்கி, நோயை போக்கி நீண்ட குணம் அடைய வழிவகுத்திருப்பதாக நம்பப்படுகிறது. இப்போது ஆறு வயது ஆகிற இந்த குழந்தைக்கு கடந்த மூன்று வருடங்களாக அதன் பழைய நோயை பற்றிய எந்த அறிகுறியும் இல்லையாம்.

அச்சப்படுபவர்களுக்கு மருத்துவர்கள் இங்கு முக்கியமாக குறிப்பிடுவது யாதெனில், புதிதாக உட்செலுத்தப்பட்ட இரத்த திசுக்களில் இரத்த புற்றுநோய் சம்பந்தமான கெட்ட திசுக்கள் ஏதும் இல்லை எனவும், இதனால் அதை நோய் குணப்படுத்த உபயோகிக்க எந்த தடையும் இல்லை என்பதே.

*

*
ஆதாரம் : 'லெ மோந்த்' பிரஞ்ச் நாளேடு.

மொழி பெயர்ப்பு : மாசிலா.

எனது குறிப்பு : இவ்வகை மருத்துவங்களில் தொப்புள்கொடி இரத்த திசுக்களை சேமித்து பாதுகாப்பாக வைத்திருப்பதுதான் அதிக செலவு பிடிக்கும். அமெரிக்காவில் தனியார் கிடங்கில் இதற்காகும் செலவு 1300 டாலர்கள். மக்கள் தொகை பெருக்கம் கொண்ட குறிப்பாக வளரும் மற்றும் ஏழை நாடுகளின் அதிகமான நோய்வாய் பட்டிருக்கும் குழந்தைகளை இந்த முறையில் திட்டமிட்டு சிக்கனத்துடன் குணப்படுத்தலாம். பொறுப்பில் உள்ளவர்கள் நன்மை செய்வார்கள் என நம்புவோம்!

"மருந்துக்குழந்தை". ஒரு புதுமை!

"மருந்துக்குழந்தை" (குழந்தை மருந்து அல்ல). ஒரு புதுமை!

பிரான்சில் புதிதாக ஒரு மருத்துவ சீர்திருத்த சட்டம் அமல்படுத்த பட்டிருக்கிறது. அதன்படி இனிமேல் "மருந்துக்குழந்தைகள்" (medical baby) உருவாக்கி பெற்றுக்கொள்ளலாம். அந்த "மருந்துக்குழந்தைகள் என்றால் என்ன?

மருந்துகுழந்தைகள் என்றதும் "அப்பட்ட நகல்" (clone) குழந்தை என நினைக்க வேண்டாம். இந்த 'மருந்துக்குழந்தைகள்' விவகாரத்தில் மருத்துவத்தின் தலையீட்டு எல்லையானது : சோதனைக்குழாய் கருதரிப்பு, புதிய கரு-முன்பரிசோதனை (diagnostic pre-implatation) மற்றும் செயற்கை கரு உள்விதைத்தல்.( artificiel insemination) வரைமட்டும்தான். பிரான்சிலும், ஐரோப்பாவிலும் செய்த மருத்துவ முறைகளின்படி இந்த புதிய வித மருத்துவம், பரம்பரை மரபணு வியாதிகள் (genetic diseases) உள்ள பெற்றோர்களுக்கு அவ்வியாதிகள் அற்ற குழந்தைகள் பெற்றுக்கொள்ள வசதிசெய்கிறது.

புதிய கரு-முன்பரிசோதனையின் அடிப்படை கொள்கை மிகவும் சாதாரணமானது. தாயின் சினை முட்டைகள் மற்றும் விந்தின் அணுக்கள் ஊடே சோதனை குழாயில் உருவான கருவில் இருந்து மூலக்கரு திசு (ovocyte cellule) ஒன்றினை எடுத்து அதில் பெற்றோர்களின் மரபனு பரம்பரை வியாதி உள்ளதா இல்லையா என பரிசோதிப்பர்.

உதாரணத்திற்கு, உங்கள் குடும்பத்தில் முன்னோர்களுக்கு ஏற்கனவே யாருக்காவது இரத்தசோகை போன்ற கொடிய நோய் இருந்ததாக வைத்துகொள்ளூங்கள். உங்களுக்கு இந்த வித நோய் இப்போது இல்லாமல இருக்கலாம். ஆனால், உங்கள் இரத்தத்தில் எங்கோ உறைந்து கிடக்கும் இந்த அனுவினால், இனி பிறக்க இருக்கும் உங்கள் குழந்தைக்கு இதனால் ஆபத்து ஏற்பட வாய்ப்பு இருக்கிறது.

மேற்கூறிய புதிய கரு-முன்பரிசோதனை மூலம் இவ்வியாதி அற்ற "பரிசுத்தமான" மூலக்கரு திசுக்களை மட்டும் தேடி கண்டுபிடித்து ஆரோக்கியமான் குழந்தை உருவாக்குவார்கள். இதன்படி பார்த்தால், ஆதியான மரபனுவை கைவைத்து இவர்கள் எந்த விதத்திலும் மாற்ற முயற்சிப்பதில்லை. வெறுமனே தேவையான நல்ல ஆரோக்கியமான மூலக்கரு திசுக்களை மட்டுமே தேடி பொறுக்கி எடுக்கிறார்கள்.

இப்போது உன்மையான மருந்துக்குழந்தையின் விபரத்திற்கு வருவோம். இதிலும் மரபனு மாற்றங்கள் எதுவும் இல்லை. ஆனால், இந்த முறையில் பரிசோதனைகளை கொஞ்சம் அளவுக்கு அதிகமாக நடத்துகிறார்கள். உதாரணத்திற்கு, இப்போது ஏற்கனவே பிறந்திருக்கும் குழந்தைக்கு ஒன்றுக்கு பரம்பரை மரபனு வியாதி பீடித்திருக்கிறது என வைத்துகொள்வோம்.( உ: இரத்த சோகை). இருந்தும் உங்களுக்கு இன்னொரு குழந்தை பெற்றுக்கொள்ள விருப்பம். பிறக்கப்போகும் குழந்தை ஏற்கனவே உள்ள குழந்தையைப்போல் உங்கள் பரம்பரை வியாதி தாக்காமல் இருக்க இப்போது வழிசெய்வது சாத்தியமாகிவிட்டது.

அதுமட்டும் இல்லாமல், இங்குதான புதுமையே இருக்கிறது. உயிர் குடிக்கும் வியாதி உள்ளவர்கள், அவர்களுக்கு தேவைப்படும் அடிப்படை உயிவாழ் ஆரோக்கிய திசுக்கள் ஒருவர் உடலில் இருந்து இன்னொருவர் உடலுக்கு செலுத்தும்ப்போது கொடுப்பவர்- பெறுபவர் திசுக்கள் எவ்வளவுக்கு எவ்வளவு ஒத்து போகிறதோ, அவ்வளவுக்கும் நோயாளி விரைவில் பூரண குணம்பெற சாத்தியம் அதிகம் உண்டு. இந்த வகையில் சகோதர-சகோதரிகளுக்கு இடையில் உள்ள திசு ஒற்றுமைகள்தான் உன்னதமானது. எனவே, கரு முன்பரிசோதனையின்போதே, முடிந்தவரையில் ஏற்கனவே பிறந்து
வியாதியுடன் இருக்கும் சகோதரனின் திசுக்களின் தரத்திற்கு ஒப்பான, நெருக்கமான திசு கொண்டை மூலக்கருவை தேடி கண்டுபித்து செயற்கை முறைகுழந்தை கருதரிக்க செய்வார்கள். புதிய சிசு பிறக்கும்போது தொப்புள் கொடி மூலம் ஆரோக்கியமான திசுக்களை சேகரித்து அதன் மூலம் வியாதி உள்ள சகோதரனுக்கு மருத்துவம் செய்ய அடிப்படை திசுக்களாக உபயோகிப்பர்.

எச்சரிக்கை : இருந்தாலும், இந்த வித மருத்துவ முன்னேற்றத்தை வைத்து சிலர் 'மருந்துகுழந்தை' வியாபாரம் போன்ற தில்லு முல்லுகளில் ஈடுபடுவர் என அரசாங்கம் கவனத்துடன் இருக்கிறது.

போம்ஸ்(Pomms) பிரஞ்சில் மொழி பத்திரிகையில் இருந்து மொழி பெயர்த்தது.
அன்புடன் மாசிலா!